طبعا في حوارات كتير بتدور بين الحبيب وحبيبته في كل وقت.(وحيد وليلي برده)
في يوم الفرح:-
وحيد:يا سلام يا ليلي.جيه اليوم اللي بحلم بيه. من70 سنه.بعد كفاح طال انا وانتي.(ولا كفاح شعب مصر)
اءروسيني او عضيني او كليني او دوسيني بالعربيه او خليني انط من فوق العماره 4 مرات عشان اصدق.وماله لو ليله تهنا بعيد وسبنا كل الشات.
ليلي:يا سلا م يا حبيبي.النهارده انت امور اوي.ولا حسن الاحمر ولا احمد عدويه ولا حتي شكمان عبد الرحيم.
وحيد:بحبك. ليلي:وانا كمان.
(كان يوم جميل طبعا.بس لسه معرفش اللي فيها بقي)
يوم الصباحيه:-
(الباب بيخبط وصوت حماته مش مسمع العماره بس.ده جايب اخر المحيط الاطلنطي.والحيتان والقروش والجنيهات كلهم صحيوا من الصوت)
حماة وحيد:افتحووووووووووووووووووووووو.
ليلي:وحيد الباب بيخبط.
وحيد:باب مين.متفتحي انتي ماما.
ليلي:وحيد باب الشقه.
وحيد:شقه مين.شويه وهقوم ياما.
(حماة وحيد دخلت الله اعلم ازاي.ومسكت ليلي بقي..........)
حماة وحيد:لازم يا بنتي تربطيه بالعيال.
ليلي:اربط مين يا ماما انتي شايفاه خروف ولا ايه.
حماة وحيد:اسمعي بس.يا مئامن للرجال يا مئامن للميه في الغربال.
ليلي:رجال ايه وغربال ايه بس.انتي شايفانا في مغسله ولا ايه.
حماه وحيد:براحتك ياختي.اللي بيشيل اربه مخرومه بتخر عليه.
ليلي:يوووووووه غرقيلنا الشقه بقي.انا مصدقت نضفت.
بعد اسبوع(الجواز لسه حلو):-
ليلي:هنخرج نسهر فين النهارده يا حبيب قلبي.في شيراتون ولا شبرد ولا هاردروك؟
وحيد:يا حبيبتي اللي تحبيه.
ليلي:اوك خليها شبرد اشد عشان رقيق ورومانسي اوي.(من جواها بقي(عشان اغلي حاجه طبعا يا عم البتاع))
(((((((((وطبعا الجواز كان لسه حلو))))))))))
بعد شهر(نهايه الايام الجميله وبدايه للشعر الجديد(هيداند شولدرز) قصدي بدايه للايام اللي قلبك يحبها):-
ليلي:هتخرج نسهر فين النهارده يا حبيب قلبي يا نور عنيه؟شيراتون ولا شبرد ولا هاردروك ولا سلنترو ولا جوني كارينوس؟اصل عايزه اقابل تيزه فكيهه وانكل رشدي وانتي مارو وميرو هانم يا بيبي.
(وطبعا اتعودت بقي خلاص)
وحيد:لا معلش يا حجه.ممكن نقضيها قهوه ليالي اللي عند عبده دولا.قهوه بلدي انما ايه بقي.وبعدها ننزل نضرب طشط فول.عشان كمان عايز اقابل عم عبده وعم شعلان والحاج اشرف وحنفي وابو هريدي.وعبده دولار ده كنت بفطر عنده في رمضان وشوال وعم فؤاد ذو البتنجان المخلل.
ليلي:ياي ياي بلدي بلدي بلدي.
وحيد:ماشي يا حجه.هقول ابوكي الحاج هريدي بقي.
بعد مرور سنه(اتعودت علي الايام اللي قلبك يحبها):-
(وحيد وهو راجع من الشغل ومعاه نص البطيخه اللي وقعت منه في الاتوبيس زي اغنيه السلامو عليكم بتاعه كريستينا اوجليرا)
وحيد:انا جبت معايا شويه حاجات كده.اعمليهم بقي مع ليلي يا حماتي.(حظه حماته كانت هنا بقي).
ليلي:جبت ايه.
وحيد:جبت حاجات كده.بربع جنيه بتنجان.وببريزه فول ومانجيتين.كله بالنص جنيه اللي اديتهوني الصبح.وخودي اهو الباقي.شلنين اهم.عشان مصروف البيت بس يمشي.
حماة وحيد:وجبت كل الحاجات دي ليه.
وحيد:هنعمل كريم كراميل.
بعد 70 سنه سجن قصدي جواز.(قصه مناضل ومكافح التسوس(سيجنال 2)بقولوكو صحيح.غسلتو سنانكو بسسجنال 2 النهارده؟):-
(وحيد داخل البيت).
وحيد:سلامو حليكو.
اوراني ابن وحيد:هات ايدك يا حج.عنك يا حج.
وحيد:انت هتاخد ايدي ولا ايه.انت مين يابني.
اوراني:انا اوراني ابنك.
وحيد:انت الكبير ولا مين انت.
اوراني:انا ال14.بابا.بابااااااااااااااااااااا
ودي كانت نهايه وحيد .شفتو بقي الجواز حلو ازااااااااااااي.70 سنه متجوز.
ده المفروض يتكتبلو افراج بحسن السير والسلوك حتي.ده راجل انا احيه بجد.
وكلنا المفروض نحيه.الراجل فضل مستحمل 70 سنه.سبحان الله.ولا اشتكي .
ماشاء الله .وتمام اوي.
بس طبعا احول وجاله تخلف عقلي.وكساح.واحول 40 سنه.وعنيه بقت طالعه لادام.واتجنن سنتين ومات.
وده بكويه ورد احي بيه كل راجل متجوز.......................ولسه عايش.
قلبي معاك يا باشا.وربنا يتولاك بقي.ههههههه..
وانتهى الجواز وادى قصة الجواز وتوتة توتة خلصت الجوازة
